Images

مكعباتي 4 : مُنتِسوري الحمل -3-






الطفل هو زرعتك الخاصة تجني منها في النهاية ما قد بذرته فإن بذرت خيرا . فخيرا ستجني , وإن بذرت شرا فادع الله ان يرحمك من شرور بذرتك
تلك البذرة ليست فقط بالتربية عندما يكبر الطفل , ولكن قبل ذلك بكثير , حتى قبل مرحلة الحمل , تأملوا معي ذلك الحديث النبوي الذي رواه عبد الله ابن عباس في صحيح البخاري قال رسول الله صلى الله عليه وسلم :
أما إنَّ أحدَكم إذا أتى أهلَه ، وقال : بسمِ اللهِ ، اللهمَّ جَنِّبْنا الشيطانَ وجَنِّبِ الشيطانَ ما رزَقْتَنا ، فرُزِقا ولَدًا لم يَضُرَّه الشيطانُ

Images

الهيكل العظمي للإنسان



السلام عليكم 

عندما خرجنا في رحلة من احدى رحلات تعليمنا المبكر

تعرفت ريتال على الهيكل العظمي للديناصور 

وبدأت تسأل عن معنى الهيكل العظمي 

وهل يوجد للإنسان هيكل عظمي أم لا 

وعندما أخبرتهم الأستاذة إيمان وهي تدرس لهم

كورس خاص بالعلوم 

Images

المرأة وجلد الذات !!



من أكتر الأمور التي تبرع فيها المرأة المصرية : جلد الذات  
تقعد تحاسب نفسها ازاي يجيلها قلب تخرج مثلا مرة وتسيب ولادها مع جوزها وطول الخروجه نكد بقا
= طب بتخرجي ليه خليكي قاعدة مغمومه احسن :P

Images

إجبار الأطفال على البوس والأحضان !!


بوس طنط ياحبيبي ..
ادي حضن لعمو يا قلبي .. 
ايه ده انت نستني والا ايه مش عاوز تديني بوسه طب انا رخم بقا وهاخد بالعافيه ..موووووووواه
والأم والأب نازلين ضحك :O 
شفت الواد مش راضي يدي خالته بوسه ..
شفتي البت مش راضيه تدي عمها حضن ..
ولو جه الطفل اشتكى .. ماما عمو خد بوسه بالعافيه :(

Images

موقع جميل لتقييم الكتب ومشاركة الأصدقاء Good reads



ناس كتير بتفكر موقع  good reads  موقع لقراءة الكتب :) 
الموقع ياجماعة لتقييم الكتب مش للقراءة يعني بتدخلي تكتبي اسم الكتاب اللي انت عاوزاه في البحث 

Images

أم تايهة ومش عارفه تعملي ايه ادخلي هنا :)




انا نفسي ابدأ مع ولادي ومش عارفه ابدأ منين !!!


المعلومات كتير وتايهه ومحتاره اوي

اهدي بس كده على نفسك ولا تقلقي خااااالص

البوست ده معمول عشانك والله :)


Images

ازاي ابطل ضرب ؟



بعد ما مسكنا المشرط امبارح وفتحنا الجرح واتكلمنا عن الضرب 
نمسك النهارده بقا الأدويه ونداوي الجرح الي اتفتح ده 
 عارفه ان في أمهات كتير زعلت عشان لهجة البوست امبارح كانت حادة 
بس معلش اوقات لازم نستخدم المشرط ونفتح للمريض عشان يفوق وياخد باله ان في مرض 
ولو ساب المرض ده هيبقا كارثة وهيضيع حياته 
ازاي انا كأم اتمالك اعصابي لما طفلي يجنني ؟ 
ازاي امسك نفسي وما امدش ايدي عليه والهفه قلم ابرد النار اللي جوايا ؟

Images

الضرب ثم الضرب ثم الضرب










مية رسالة وسؤال عن ضرب الأطفال :( 
وعاوزين مني اجابه على ايه بالظبط ؟ 
جايين عاوزيني اتعصب عليكم والا اضربكم ؟ 
لانكم بجد تستحقوا الضرب 
ازاي تسمحي لنفسك تستقوي على كائن ضعيف وانتي المفروض تكوني الحما والأمان ليه ؟ 
بطلي تقولي باربيه 
ضرب ايه ده اللي بيربي ان شاء الله 
يعني حضرتك المفروض لما تيجي تسأليني عن حاجه اضربك عشان تفهمي مثلا 
واقولك اصلك مش هتفهمي غير بالضرب !!!!!!!!!!!
يعني ايه تمدي ايدك على طفل وتلطشيه بالقلم ؟ 
يعني ايه تلسوعيه على ايده والا رجله ؟
ويعني ايه تلطشي فيه وتقولي بعلمه وبربيه ؟ 
اقولك حاجه واحطلك الصراحه فوشك 
انتي أم فاشله وبتداري فشلك بضرب الطفل 
يالا اشتمي فيا بقا وطلعي الكبت اللي جواكي 
ايوه هاقولهالك تاني 
انتي فاشله فاشله فاشله 
ام مش عارفه تتفاهم مع كائن ضعيف مش عارف حاجه في الدنيا ومحتاج يعرف منك 
ام مش عارفه تهدي نفسها وتسيطر على اعصابها وتاخد طفلها في حضنها تطمنه وتقوله انا جنبك بدل ما تمد ايدها عليه وتطلع عجزها وفشلها عليه 
وانتي بتضربيه كده بصي في عينه البريئه الجميله الرقيقه الملاك دي 
بصي لكائن ضعيف وصغنون المفروض انتي أمانه وحنانه وكل حاجه ليه في الدنيا 
وفجأه بتتحولي لوحش كاسر يضرب ويصوت ويزعق :( 
ايه بقا 
يروح فين الطفل ده يلاقي أمان لو مش هيلاقيه في حضنك 
يا شيخه بلاها خلفه وبلاها عيال مدام جايبين عيال تطلعو عقدكم عليهم 
كل ضربه ضربتيهاله هتسيب اثر جوه نفسه وهيكبر بيه 
وهيطلع انسان معقد ومليان كلاكيع 
وترجعي تشتكي في الآخر ده مغلبني ده مبيسمعش الكلام ده ابن عاق 
محدش يتكلم عن عقوق الابناء غير لما يشوف الأم والأب دول كانو عاقين بولادهم الأول ولا لأ 
قبل ما هو يتحاسب على عقوقه انتي هتتحاسبي على عقوقك 
اضربيه روحي طلعي غلك فيه 
وتعالي عيطي وقولي بيضرب اصحابه في المدرسه 
امال يعني هيبوسهم !!!
ماهو لو كان لقي اللي تبوسه كان تفهمه كان حب اصحابه :( 
اضربيه وتعالي قولي بيسرق 
اضربيه وتعالي قولي بيزعق ويخبط دماغه فحيط 
اضربيه وطلعي فشلك وكبتك عليه 
انا كل اما افتح الرسايل واجاوب واشوف كمية الرسايل اللي جايالي على الضرب اقعد اعيط 
حرام عليكو ارحموهم 
ترضوا حد يضربكو ويمد ايده عليكم ؟؟؟؟؟؟؟؟؟؟؟؟
طب خلي جوزك يفكر يضربك كده والا يمد ايده عليكي 
وشوفي هتعملي فيه ايه 
ان ما ندمتيه على اليوم اللي اتولد فيه ابقا مبفهمش حاجه 
واللي مكسورة وجوزها بيضربها ومش قادره تتكلم بصي جواكي شوفي مجروحه منه ازاي وحاسه بإهانه اد ايه ؟ 
اشمعنا بقا بتضربي ابنك وعاوزاه يسكت !!!!!!!
الراجل اللي بيضرب مراته في نظرك مش راجل اصلا 
والأم اللي بتضرب ابنها دي مش أم برضه أصلا
حرام بقا دول ضعفا وأبرياء 
مش قادرين تاخدوهم في حضنكم  بتخلفوهم ليه 
ذنبهم ايه في ضغوطكم وتعبكم ؟؟؟ ذنبهم ايه ؟ 
روحوا اتأسفوا لعيالكو 
واطلبو منهم يسامحوكو 
واوعدوهم متمدوش ايدكم عليهم 
يمكن تقدرو تمسحوا الجريمه اللي ارتكبتوها في حقهم :( 

وجعك الكلام ده اوي ؟ 
معلش خدي الحل بقا : اضغط هنا
#قلبي_وجعني 
#دي_مش_امومة
#ماما_بقت_وحش_مش_أم_أبدا
#بتخلفوهم_ليه ؟
#مكعبات

رابط الموضوع على الفيس بوك : اضغط هنا
Images

أنشطة حياة عملية



الحياة العملية :




العجن والخبز ومساعدتي في المطبخ هو من الأمور اليومية

المعتاده لدى ريتال 




تدريبات على النقل بالماسك وهي من تدريبات الحياة العملية وقد قمنا بعدة أنشطة اخرى سوف نتحدث عنها بالتفصيل في تدوينة قادمة بأمر الله 



التدريب على استخدام النشابة 

البازل :




نحل عدد قطع اكثر ونبحث عن المزيد 





Images

العربية أم الإنجليزية ؟ أيهما أفضل لطفلي ؟




يستوقفني دائما موضوع اللغة في تعليم ريتال 



لا أهتم ان تتعلم القراءه او الكتابه 


مبكرا طالما هي لاتهتم بذلك 




فعندما تكون مستعدة سوف أبدأ معها 




لا يجري أحد خلفنا


 ولا يهمني ان تكمل عامها




الرابع وهي لا تعرف كيف تقرأ او تكتب




 طالما هناك أمور اخرى هي شغوفه بها 





فمازال أمامنا دائما متسع من الوقت 



smile emoticon
ولكن يهمني كثيرا ويشغل بالي





سؤال كثير من الأمهات




كيف أبدأ تعليم طفلي القراءة والكتابة ؟



Images

كيف أقدم للطفل المتاهة ؟ ومتي ؟




السلام عليكم 

عرضت على ريتال لعبة المتاهه وهي لعبه هامه للتفكير المنطقي

 والمحاولة والتفكير في الحلول البديلة 

وأيضا تمرينا للمهارات الحركية الدقيقه للطفل 

ابدت استعدادا واهتماما بها

ونحب أن نشارككم طريقة تقديم المتاهه للطفل

 ونجيب على كافة تسائلاتكم 

Images

بداية تعليم الأرقام العربية - الجزء الأول


السلام عليكم 

كنت قد جربت مع ريتال منذ فترة أن أعرفها على عالم الأرقام 

حفظت ريتال الأرقام من 1-10 في سن سنتان ونصف تقريبا 

وبدأنا في العد بعدها مباشرة 

نعد أي شيئ أمامنا ونحن في البيت ونحن في الشارع 

في أي مكان نعد أي شيء وكل شيء

حتى درجات سلم العمارة نعدها ونحن نصعد 

Images

مكعباتي 3 - مُنتِسوري الحمل 2




عندما تعلم الأم بحملها ما هو أول شيء تفكر في فعله ؟
مراجعة الطبيبة للتأكد من صحة الجنين وصحة الأم ..
 وتقوم الأم بعمل بعض الفحوصات والتحاليل
للاطمئنان على نسبة الهموجلوبين في الدم
ونسبة السكر وقياس الضغط  الخ ..
وتطلب الطبيبة من الأم الامتناع عن نوعيات معينة من الطعام 
والشراب التي ربما تضر بالجنين
 والبعض بها نسب قد تسبب للأم اجهاض في المرحلة المبكرة
لا قدر الله ..
 وتتابع الأم كل فترة مع الطبيبة تطور الجنين ونموه ..
 ها قد دق قلبه وأعلن للعالم أن هناك قلبا جديدا ينبض بالحياه 
وتسمع الأم صوت دقات القلب على صوت قطار يسير على
 القطبان بانتظام – سبحان الخالق –
 لقد بدأت العظام تتكون وينمو الطفل بشكل سليم معافى الحمد لله ليس به أي تشوهات .. و تتشكل اليدان والقدمان والعينان والأذنان .. انه الآن في مرحلة تتطور بها حاسة السمع .. وبعد قليل مرحلة تتطور بها حاسة البصر .. يا الله انها أمور لو تدبرناها فقط لسجد قلبنا وعقلنا وسمعنا وبصرنا للخالق جل وعلا ..

كل الأمهات في فترة الحمل وكل الأجنه تمر بنفس المراحل ..

من الأمهات من تهتم بتلك المرحلة وتقرأ عنها ولا تكتفي بالمتابعه 

الطبية فقط ومنها من تكتفي بتعليمات الطبيبة ومنها من لا تذهب 

الى الطبيبة من الأساس ولا تقرأ فسوف تحمل وتلد ولا يمثل لها 

ذلك أي اهتمام سوا حضور المولود الجديد الى حياتها


في زماننا هذا أصبح من حق الجنين من وجهة نظري


 ان نوفر له 

الرعاية الصحية الملائمة .. 


ان نطمئن على الأم ونطمئن على 


الجنين وتنتظم الأم في الأدوية التي تمنع التشوه وتهتم بأنواع 


معينة من الطعام التي توفر له ما يحتاج اليه في كل مرحلة


أذكر عندما علمت بحملي وذهبت الى الطبيبة بدأت في نفس 


الوقت اقرأ كثيرا عن مراحل تطور الجنين واتابعها على موقع :




حيث يوفر هذا الموقع معلومات بسيطه وسريعه عن كل مرحلة 


من مراحل الحمل ويعطي الأم نصائح اسبوعيه ومعلومات

 عن تطور الجنين ..


فمثلا عندما علمت بمرحلة تكون العظام بدأت في تكثيف شرب 


الحليب رغم أنني لدي مشاكل مع منتجات الألبان فعندما أشم 

رائحة اللبن أو أتذوق طعمه فإنني أفرغ كل ما في معدتي دون 


وعي مني حتى وان غيرت طعمه بالفواكه او أي شيء فقد جربت 

كل شيء بم للكلمة من معنى ولكن دون جدوى ولكنني كنت 

مصرة على أنه من حق جنيني أن اعطيه الكالسيوم اللازم لتكون


 عظامه بشكل سليم ورغم أنني أعلم أنه سوف يأخذ من عظامي 


الكالسيوم الذي يكفية إلا انه من حقه عليَ ان اكون بصحة جيدة 


حتى استطيع أن أرعاه وأعتني به..


فكنت أحضر كوبين من الحليب ..

وأضع يدي على أنفي حتى لا أشم رائحته واشرب كوب الحليب 

على دفعة واحدة حتى لا أتذوق طعمه وبعدها مباشرة أأخذ قطعة 


حلوى أو اي شيء يغير طعم فمي .. فإذا ما شممت رائحته أو

 تذوقته يخرج كل ما في معدتي فأبدأ في شرب الكوب الثاني 

بطريقة أسرع من المرة الأولي ولا أهدأ حتى يثبت الحليب في

 معدتي .. لماذا أفعل ذلك ؟

لست مجبرة على شرب الحليب طالما لدي مشاكل صحية معه 

ولكنني أجبرت نفسي ففي اعتقادي أن هذا من حق جنيني عليَ 

ولا بد أن أفعل ما بوسعي حتى أعطيه حقه..



نستكمل الحديث عن منتسوري الحمل في المقال القادم بأمر الله :)
Images

تجربتي مع ريتال في التدريب على البوتي والتواليت وخلع الحفاض



بدأت مع ريتال مرحلة التدريب على البوتي من 
سن سنتين الا كام شهر 
- كان في محاولات من اول سن سنه

 لكن كانت بترفض تماما فكنت باركن البوتي خالص -

لأن الطفل بيقدر يتحكم في عضلات الإخراج تقريبا

 عند سنتين ولحد سنتين ونص
الطفل الطبيعي المفروض يكون متحكم تحكم كامل 



- كل قاعدة وليها شواذ وطفل عن طفل بيفرق -

الله يخليكي يا شيخه بالله عليكي سيبك من كلام

: ايه ده هو عنده سنه ولسه مبيعرفش يقعد 

عالبوتي ده بنت جاره خالة عمة مش عارف مين

 ابنها لسه في بطن امه وبيعمل في البوتي 



 كل ما تضغطي كل ما تتعبيه وتأخري تقبله 



للموضوع وتتعبي انتي وهو نفسيا 


عملت ايه في موضوع البوتي ؟ 
            ممنوع منعا باتااااااا اي ضغط عصبي
 او نفسي على الطفل وقت التدريب على 
استخدام البوتي

طيب حلو لو الطفل استجاب يبقا خير وبركه
طب لو ما استجابش ؟
يبقا نسيبه شويه هو لسه مش جاهز 
- اتعلمو تحترمو قدرات الطفل لو سمحتم



 ومش معنى ان انتو قررتو فجأه ان الوقت ده 



مناسب ان الطفل يتعلم انه يقعد على البوتي



 يبقا فعلا الوقت مناسب !!! 



الوقت مناسب ليكي انتي كأم


 فهل سألتي نفسك هو مناسب لطفلي

 ومتقبل الموضوع ده دلوقتي والا لأ ؟

ولأني مضغطش على ريتال خالص كانت كل ما
 ترفض اركن البوتي وكأن مفيش حاجه حصلت
 ونلعب عادي وقررت احط البوتي وسط اللعب 
بتاعتها عشان تتعود عليها وتلعب بيها
وهنا في ملاحظه -

البعض بيحب البوتي متخرجش من الحمام

 والبعض عادي عنده تكون في أي مكان

 والبعض بثبت مكان بره الحمام

والبعض هيقولي اصل مش عارف مين قال

 ومش عارف مين مقالش 




 أن اي شيء بطوعه بم يناسب بنتي



 حتى لو كل نظريات التربيه شافته غلط -



 أنا الأم وانا اللي شايفه وعارفه بنتي الأفضل ليها



 إيه فمش شايفه انه حوار يعني اني الأول احط 
البوتي وسط اللعب

 وبعد كده لما تتعود عليها انقلها 
في مكان تاني


اما عن ان الطفل بيبهدل البيت كله

والدنيا تتقلب مشمعات والواد مش عارف يمسك

 نفسه وانا قرفت من حياتي والمرحلة دي مرحلة

 مستفزه والحوارات الجميله دي

 فاسمحيلي اقولك ان انتي اللي بتعملي كده فنفسك 


اه والله انتي اللي بتعملي كده



لما تقرري فجأه تقلعي الطفل البامبرز



 بدون ما تعملي شوية اختبارات وتشوفي مدى



 تقبله وهل هو جاهز والا لأ وفي الاخر تشيلي



 الطفل الذنب كله وكأنه أجرم انه معرفش يمسك نفسه 


لازم يكون عندك تقبل انه اكيد اكيد مش كائن

 فضائي وانه مش هيقدر من اول مره يمسك 

نفسه والبامبرز بيتقلع بالتدريج مش مرة واحده

 وهوووووووووووب يالا يابني على البوتيوخلصني بقا


 بالتدريج ازاي : بصي لطبيعة طفلك واعرفي هيتقبل ايه ازاي وامتى 

وفين ؟

شوفي بقا بيصحا الصبح البامبرز بتاعه ناشف والا مبلول 
شوفي بيقعد اد ايه بين كل فتره والتانيه على ما يعمل بيبي 

شوفي البامبرز بتاعه بيتملي كل أد ايه ؟ 


بعد ما عملت لريتال شوية تمهيدات انها هتقلع البامبرز 
جيت في يوم اشتريتلها ملابس داخليه ملونه



 وجميله وشيلت كل البامبرز من البيت 



وقلتلها في مفاجأه حلوه النهارده



لما توته تعمل بيبي في البوتي 



وفعلا تشوقت وعملت 

وخدتها وقلتلها يالا نجيب البامبرز

وروحنا على مكان البامبرز ملقيناش حاجه 
ايه ده فين البامبرز 


 وبقت بنوته حلوه وكبيره وبتعمل في البوتي 
فمشي خلاص وراح للبيبي الصغير 
طيب ريتال هتلبس ايه بقا دلوقتي ؟ 

تعالي كده نشوف

ومدينا ادينا مكان ما البامبرز بيتحط
 لقينا اندر وير جميل اوي وعليه اشكال بناتي :

 الله توته البنوته هتلبس اندر وير زي الكبار خلاص
 عشان هي كبرت مبروك ياتوتي
 حضن كبير لماما بقا 

وشوية دلع على احتفال لما بابا ييجي وتحكي
 قدامه اد ايه توته بنوته شطوره وكبرت وخلاص
 مفيش بامبرز تاني عشان هي بقت كبيره .. 




مرحلة التواليت : 


بعد كده هندخل على مرحلة التواليت :



 ودي مرحلة الأم فيها بتتخنق أكتر من البوتي بقا 



لأنها قاعده جنب الطفل في الحمام .. هااااااااااا 



خلصت ياحبيبي .. لأ لسه ... طيب يالا بقا



بالله عليكي يا شيخه في حد يعمل كده ؟
يعني ينفع حد يعمل معاكي كده ؟ 



واقفه جنب الولد ليه ؟



متدخليه وتقوليله هاستناك بره ولما تخلص اندهلي




احترمي خصوصيته شويه الله يكرمك 

عشان هو يطلع يتعلم ازاي يحترم 


خصوصية غيره

وروحي اعملي اي حاجه كنتي بتعمليها 

بس متروحيش تقعدي عالفيس بقا

والواد ينده طول اليوم وانتي ولا انتي هنا

طيب الأطفال بيخافو من التواليت لأن الفتحه اللي 

فيه واسعه وبيخافو يقعو نعمل ايه ؟ 


هاتي قاعدة تواليت خاصة بالطفل بتبقا صغنونه 

شويه وفي منها مبطن وفيه عادي

 اختاري اللي يناسب طفلك 

المشكله عندي بقا اني عودت ريتال علىالاستقلال 


ازاي ؟ 


يعني هي نفسها بتتضايق لما تطلب مني يا ماما

 امسكيني عشان اطلع على الكرسي واقعد 

وبعدين لو سمحتي ياماما اخرجي

وبعدين ياماما خلصت وبعدين نزليني ياماما



طيب ايه الحل ؟



لقيت بوتي لطيفه كده فيها ايد من الناحيتين وفيها



 درجة سلم فهي بتقوم بوظيفة الأم اللي بتسند 



الطفل وبدور الكرسي اللي بيطلع عليه الطفل 



جبت البوتي دي وجربتها وحلت المشكلة جدا 



وانتهى دوري مع ريتال في دخول 

الحمام فهي بتتعامل في كل حاجه
وممكن ما الاقيهاش قدامي ادخل اشوف هيا فين الاقيها 
دخلت الحمام وقفلت الباب وتعاملت مع الموقف 

 - الحمد لله -




 مرحلة الحمام واحنا بره البيت

اعمل فيها ايه ؟
ريتال تقبلت الوضع عادي بوضع كيس مفرغ من



 النص ومخصص لشكل التواليت باحطه على اي



 بوتي بره وبتقعد وباسندها عادي



ليا صديقه عملت اختراع ياكوتش هاقولكم عليه 
 النواحي المكشوفه وحطاها معاها دايما وبوتي 

صغيره بتتطبق وتتفرد وموجوده في المحلات

وبتفرد الخيمه في أي مكان وتدخل البنت وتفرد البوتي 

وتحط فيه كيس وقطعة بامبرز عشان تشرب الميه 
وفي الاخر تشيل الكيس ترميه في الباسكت 

وخلص الموضوع وبكده بتحافظ على خصوصية

 البنت وفنفس الوقت البنت ما بتستخدمش تواليتغريب  



طيب مرحلة وقت النوم ؟ 


اولا الطفل اللي بيتعود تدريجيا على قلع البامبرز

 مش مره واحده كده قفش بيكون اقدر على 

التحكم في نفسه وقت النوم - افتكر ريتال عملت

ها مرتين او 3 بالكتير على السرير وكانت تعبانه

 كمان او اتعرت وسقعت مثلا 




 مشمع حطي مفيش مشاكل بس متحسسيش 

الطفل ان في حالة طوارئ 

حاولي المشمع يكون ملوش صوت عالى -
 في مشمعات بتكون مضغوطه كده ومبتعملش
 مشكله لو اتحطت تحت الملايه -
 ولو الطفل صحي وعمل بيبي على نفسه وقت النوم ابتسمي
 فوشه وقوليله حصل خير المره الجايه تحاول
 تمسك نفسك وتندهلي نروح التواليت .. 

حسسيه انك بتسانديه مش واقفاله على الواحده 

وشك وحضنك هما مقياسه وسنده وأمانه وبياخد

 ثقه فنفسه من حضنك ومن ابتسامتك