Images

تجربتي مع ريتال في التدريب على البوتي والتواليت وخلع الحفاض



بدأت مع ريتال مرحلة التدريب على البوتي من 

سن سنتين الا كام شهر 

- كان في محاولات من اول سن سنه

 لكن كانت بترفض تماما فكنت باركن البوتي خالص -

لأن الطفل بيقدر يتحكم في عضلات الإخراج تقريبا

 عند سنتين ولحد سنتين ونص
الطفل الطبيعي المفروض يكون متحكم تحكم



 كامل 



- كل قاعدة وليها شواذ وطفل عن طفل بيفرق -

الله يخليكي يا شيخه بالله عليكي سيبك من كلام

: ايه ده هو عنده سنه ولسه مبيعرفش يقعد 

عالبوتي ده بنت جاره خالة عمة مش عارف مين

 ابنها لسه في بطن امه وبيعمل في البوتي 
pacman emoticon

ارحموا الأطفال من المقارنااااااات والضغط ده -






 كل ما تضغطي كل ما تتعبيه وتأخري تقبله 




للموضوع وتتعبي انتي وهو نفسيا 

smile emoticon

عملت ايه في موضوع البوتي ؟ 



في فيديوهات حلوه اوي على اليوتيوب اسمها : 





elimination communication potty training





بتشرح ميكانيزم تدريب الطفل على استخدام 


البوتي من سن صغير بطريقة لطيفه جدا


 وبدون اي ضغط على الطفل رشحتها ليا 


صديقتي Basma Reda Elkhawnky


ملحوظه : ممنوع منعا باتااااااا اي ضغط عصبي

 او نفسي على الطفل وقت التدريب على 

استخدام البوتي


طيب حلو لو الطفل استجاب يبقا خير وبركه

طب لو ما استجابش ؟

يبقا نسيبه شويه هو لسه مش جاهز 




- اتعلمو تحترمو قدرات الطفل لو سمحتم





 ومش معنى ان انتو قررتو فجأه ان الوقت ده 





مناسب ان الطفل يتعلم انه يقعد على البوتي


 يبقا فعلا الوقت مناسب !!! 


الوقت مناسب ليكي انتي كأم


 فهل سألتي نفسك هو مناسب لطفلي


 ومتقبل الموضوع ده دلوقتي والا لأ ؟





ولأني مضغطش على ريتال خالص كانت كل ما

 ترفض اركن البوتي وكأن مفيش حاجه حصلت


 ونلعب عادي وقررت احط البوتي وسط اللعب 

بتاعتها عشان تتعود عليها وتلعب بيها


وهنا في ملاحظه -


البعض بيحب البوتي متخرجش من الحمام


 والبعض عادي عنده تكون في أي مكان


 والبعض بثبت مكان بره الحمام


والبعض هيقولي اصل مش عارف مين قال


 ومش عارف مين مقالش 
grin emoticon

القاعده عندي هنا في البيت





 أن اي شيء بطوعه بم يناسب بنتي




 حتى لو كل نظريات التربيه شافته غلط -


 أنا الأم وانا اللي شايفه وعارفه بنتي الأفضل ليها


 إيه فمش شايفه انه حوار يعني اني الأول احط 


البوتي وسط اللعب


 وبعد كده لما تتعود عليها انقلها 


في مكان تاني




اما عن ان الطفل بيبهدل البيت كله


والدنيا تتقلب مشمعات والواد مش عارف يمسك


 نفسه وانا قرفت من حياتي والمرحلة دي مرحلة


 مستفزه والحوارات الجميله دي


 فاسمحيلي اقولك ان انتي اللي بتعملي كده 

فنفسك 
smile emoticon


اه والله انتي اللي بتعملي كده





لما تقرري فجأه تقلعي الطفل البامبرز




 بدون ما تعملي شوية اختبارات وتشوفي مدى


 تقبله وهل هو جاهز والا لأ وفي الاخر تشيلي



 الطفل الذنب كله وكأنه أجرم انه معرفش يمسك


 نفسه 
unsure emoticon

لازم يكون عندك تقبل انه اكيد اكيد مش كائن

 فضائي وانه مش هيقدر من اول مره يمسك 


نفسه والبامبرز بيتقلع بالتدريج مش مرة واحده


 وهوووووووووووب يالا يابني على البوتي


وخلصني بقا


pacman emoticon
ومش هاقولك بالتدريج ازاي : اقعدي بقا بصي 


لطبيعة طفلك واعرفي هيتقبل ايه ازاي وامتى 

وفين 
wink emoticon
بعد ما عملت لريتال شوية تمهيدات انها هتقلع


 البامبرز 




جيت في يوم اشتريتلها ملابس داخليه ملونه





 وجميله وشيلت كل البامبرز من البيت 






وقلتلها في مفاجأه حلوه النهارده


لما توته تعمل بيبي في البوتي 


وفعلا تشوقت وعملت 



وخدتها وقلتلها يالا نجيب البامبرز


وروحنا على مكان البامبرز ملقيناش حاجه 


ايه ده فين البامبرز 
gasp emoticon
ممممممم خلاص البامبرز عرف ان ريتال كبرت


 وبقت بنوته حلوه وكبيره وبتعمل في البوتي 



فمشي خلاص وراح للبيبي الصغير 




طيب ريتال هتلبس ايه بقا دلوقتي ؟ 


تعالي كده نشوف

ومدينا ادينا مكان ما البامبرز بيتحط



 لقينا اندر وير جميل اوي وعليه اشكال بناتي :


 الله توته البنوته هتلبس اندر وير زي الكبار خلاص


 عشان هي كبرت مبروك ياتوتي


 حضن كبير لماما بقا 
heart emoticon
وشوية دلع على احتفال لما بابا ييجي وتحكي


 قدامه اد ايه توته بنوته شطوره وكبرت وخلاص


 مفيش بامبرز تاني عشان هي بقت كبيره .. 


smile emoticon

مرحلة التواليت : 




بعد كده هندخل على مرحلة التواليت :





 ودي مرحلة الأم فيها بتتخنق أكتر من البوتي بقا 






لأنها قاعده جنب الطفل في الحمام .. هااااااااااا 



خلصت ياحبيبي .. لأ لسه ... طيب يالا بقا



بالله عليكي يا شيخه في حد يعمل كده ؟




يعني ينفع حد يعمل معاكي كده ؟ 





واقفه جنب الولد ليه ؟





متدخليه وتقوليله هاستناك بره ولما تخلص 


اندهلي

احترمي خصوصيته شويه الله 


يكرمك عشان هو يطلع يتعلم ازاي يحترم 


خصوصية غيره

smile emoticon

وروحي اعملي اي حاجه كنتي بتعمليها 



بس متروحيش تقعدي عالفيس بقا


والواد ينده طول 



اليوم وانتي ولا انتي هنا 
grin emoticon
طيب الأطفال بيخافو من التواليت لأن الفتحه اللي 


فيه واسعه وبيخافو يقعو نعمل ايه ؟ 



هاتي قاعدة تواليت خاصة بالطفل بتبقا صغنونه 



شويه وفي منها مبطن وفيه عادي


 اختاري اللي يناسب طفلك 



المشكله عندي بقا اني عودت ريتال على


 الاستقلال 


ازاي ؟ 



يعني هي نفسها بتتضايق لما تطلب مني يا ماما



 امسكيني عشان اطلع على الكرسي واقعد 



وبعدين لو سمحتي ياماما اخرجي


وبعدين ياماما خلصت وبعدين نزليني ياماما



طيب ايه الحل ؟ 




لقيت بوتي لطيفه كده فيها ايد من الناحيتين وفيها





 درجة سلم فهي بتقوم بوظيفة الأم اللي بتسند 





الطفل وبدور الكرسي اللي بيطلع عليه الطفل 



جبت البوتي دي وجربتها وحلت المشكلة جدا 


وانتهى دوري تماما الحمد لله مع ريتال في دخول 


الحمام فهي بتتعامل في كل حاجه وممكن ما 




الافيهاش قدامي ادخل اشوف هيا فين الاقيها 



دخلت الحمام وقفلت الباب وتعاملت مع الموقف 

smile emoticon
 - الحمد لله -




تنويهات : مرحلة الحمام واحنا بره البيت


اعمل فيها ايه ؟



ريتال تقبلت الوضع عادي بوضع كيس مفرغ من





 النص ومخصص لشكل التواليت باحطه على اي





 بوتي بره وبتقعد وباسندها عادي



ليا صديقه عملت اختراع ياكوتش هاقولكم عليه 

grin emoticon

جابت خيمه الاطفال بتاعتها وعملت لها ستاير من







 النواحي المكشوفه وحطاها معاها دايما وبوتي 



صغيره بتتطبق وتتفرد وموجوده في المحلات


وبتفرد الخيمه في أي مكان وتدخل البنت وتفرد 


البوتي 


وتحط فيه كيس وقطعة بامبرز عشان تشرب الميه 


وفي الاخر تشيل الكيس ترميه في الباسكت 


وخلص الموضوع وبكده بتحافظ على خصوصية



 البنت وفنفس الوقت البنت ما بتستخدمش تواليت


 غريب  



kiki emoticon

طيب مرحلة وقت النوم ؟ 





اولا الطفل اللي بيتعود تدريجيا على قلع البامبرز





 مش مره واحده كده قفش بيكون اقدر على 





التحكم في نفسه وقت النوم - افتكر ريتال عملت


ها مرتين او 3 بالكتير على السرير وكانت تعبانه



 كمان او اتعرت وسقعت مثلا 

smile emoticon
في الأول دخليه قبل ما ينام التواليت وعاوزه تحطي


 مشمع حطي مفيش مشاكل بس متحسسيش 



الطفل ان في حالة طوارئ 
grin emoticon
حاولي المشمع يكون ملوش صوت عالى -


 في مشمعات بتكون مضغوطه كده ومبتعملش


 مشكله لو اتحطت تحت الملايه -



 ولو الطفل صحي 


وعمل بيبي على نفسه وقت النوم ابتسمي


 فوشه وقوليله حصل خير المره الجايه تحاول



 تمسك نفسك وتندهلي نروح التواليت .. 


حسسيه 


انك بتسانديه مش واقفاله على الواحده 


smile emoticon
وشك وحضنك هما مقياسه وسنده وأمانه وبياخد



 ثقه فنفسه من حضنك ومن ابتسامتك 



ارحميه وارحمي ضعفه عشان ربنا يرحمك 
smile emoticon