Images

اصنعي مكتبة منزليا لطفلك من الكرتون (13 نموذج بالصور )




بصراحة قبل ما ابدأ اشرح انا عملت المكتبه ازاي نفسي اقول كلمه لكل أم :


انا اشتريت لبنتي حاجات كتير اوي

 ومن كتر ما انا بحبها ونفسي اجيبلها حته من السما

مبشبعش من الحاجات اللى باجيبهالها وكل شويه اغير في اوضتها وانظم 


واجيب ده واودي ده لكن بجد عمري مشفت بنتي اللى هيا عندها سنتين ونص 




مبسوطة بحاجة عندها اكتر من فرحتها بالمكتبة دي

 عشان هيا شافتني تعبت فيها أد ايه

وهيا كمان اشتركت معايا ومن كتر فرحتها انا قررت إن أي حاجة اقدر اعملها 



هاعملها مش هاتسرع واشتريها 


عشان الفرحة اللى شفتها في عنيها يوم ما شافتها 



خلصانه واهتمامها بيها وإنها كل ما تعدي ناحيتها لازم تقف تمسك كتاب وتتصفحه



 ده أهم عندي من كل حاجه ممكن اجيبهالها و نفسي اشوف فرحتها دي  كل يوم 



فعنيها تاني ....



 اوعي تحرمي نفسك من المتعة دي أبداااااااا بجد أحلى هدية اللى إنتي بتعمليها



لابنك او بنتك بنفسك ... :)




نيجي بقا للمكتبه اللى على اد متعبتني على اد ما استمتعت بكل لحظه وانا باعملها ..




كان عندي كراتين كتير ركناها حاسه فيوم اني هاعمل بيها حاجه

 لاني من هواة جمع العلب الفاضيه والحاجات دي

  فقررت إني أعمل مكتبة لريتال 


وقمت جمعت الادوات اللى هاحتاجها اللى هيا :



مقص أو كتر

متر للقياس او ممكن مسطره

غره وفرشاه للصق

قلم لرسم المقاسات وتحديدها










وجبت الكرتونه دي :







وقصيت منها الجزء المقطوع في الشمال ده

وبعدين كنت هاقص الجزء التاني ولكن


 فجأه فكرت اني ممكن استفيد بالجوانب دي في عمل رفوف اضافيه على الجانبين 



للكتب الصغيره او الاقلام او مستلزمات القراءه فقررت اسيبها ووقفتها بالشكل ده : 










وطبعا عشان استفيد من الجوانب محتاجه اثبتها على شيء 


فجبت كرتونه التلاجه 



المركونه عندي ودي بتبقا قويه اوي دعمت بيها الكرتونه الأساسيه من الخلف




 ولزقتهم بالغره فبعض وثبت عليها الجوانب من الناحيتين 


وبعدين بدأت في مرحلة الرفوف فجبت كرتون مقطع

 وبدأت اقيس المقاسات 


اللى عاوزاه وقصيت ولزقتها بالغره ودعمتها بمشابك عشان تمسكها لحد ما الغره 



ينشف بالشكل ده :












وده شكلها بعد التثبيت : 










بالنسبه للرفوف الجانبيه قطعت شرائح كرتون مقاس 6 سم :






وعملته مستطيل ولزقته بالشكل ده وثبته بمشبك كبير من مشابك البطاطين لحد ما 



الغره ينشف  :















وده شكلها بعد تثبيت كل الرفوف الجانبيه عليها : 





جبت بعض الكتب وعملت اختبار لمستوى المتانه بتاعتها وحملت عليها كتب كتير 


لقيتها ما شاء الله قويه جدا وصعب تقع او تتقطع : 








فقررت ابدأ في مرحلة التغليف

وبم اني بحب الاطفال جدا وبحب افكر بطريقتهم


 ففكرت لو انا طفله هاحب مكتبتي تكون متغلفه ازاي 


فلقيت اني اكيد هاحبها تكون ألوان ومبهجه فقررت اغلفها بأفرخ استيكر ملونه




ودي موجوده في كاميرا 9 ومتوفر منها الوان

(الأبيض – الأسود – الأحمر – الأصفر – الأزرق – الأخضر)

وسعر الفرخ 5 جنيهات ونصف فقط لاغير 










وده شكلها بعد التغليف : 
















في بقا جزء فوق مثلث كده ناتج عن ثني اطرف الكرتونه

 لما ثبتها في فرخ الكرتون الخلفي  انا فكرت اغلفه واقفله

لكن وانا بغلفه لقيته مخزن كويس جدا لأفرخ اللزق 


وكمان اللوح اللى مش محتاجاها حاليا زي اللوح الكبيره اللى بتشرح جسم الانسان 



وغيرها ممكن نلفها ونحطها جواها فقررت اسيبها مفتوحه بالشكل ده : 





 الرفوف الأرضيه فكرت اني اجيب مقلمه

واحط فيها ادوات الكتابه والتلوين للكتب 


اللى ريتال بتلونها واستفيد انها تكون في نفس المكان زي كده :







وممكن بدبابس مكتب نعلق بعض الأدوات الأخري في المكتبه

 اللى بيستخدمها الطفل 


مع الكتب زي بالتة الألوان او اي اكسسوار محبب اليه زي كده :








وبم ان عندي بنوته فكان لازم شويه دلع بقا وورود

عشان الشغل يبقا تمام














 والأفكار كتيييييير فيها اطلقو العنان لابداعاتكم هتكتشفو مواهب مدفونه فيكم

 ولو زهقانه ومخنوقه بجد خلى ليكي اوضه كده زي ورشه او مشغل

وخلى طفلك ينام



 وادخلي انطلقي وخرجي كل ابداعاتك 


هتفرغي الطاقه المكبوته جواكي وهتستمتعي 



وهتدي لطفلك احلى هديه ممكنه من شغل اديكي 


وهتديكي ثقه فنفسك وانك تقدري تعملى اي حاجه

 متخليش حاجه تقف ادامك وابدأي صدقيني مش هتندمي ..



 بارك الله لكم في أولادكم ونفع بهم الإسلام وبارك فيكم..




   وستجدون إبداع صديقتي بسمه 



  في صناعة مكتبه لابنها عمر في مدونتها 



     هنا  






  وتجربه أخري للأم المبدعه مروه الحبشي


    مع ابنتها ريتاج تجدونها 



                                                                            هنا







       وتجدون تجربه اخرى للأم داليا السمري      

            هنا            





وهذا نموذج صنعته صديقتي دعاء مجدي 

تجدونه في البوم صفحتها
عالم منتسوري





وهذه بعض نماذج تطبيق مكتبات لأصدقاء مكعبات 



 الأم Sara Bassal






 الأم Fatimah As-sayyid Muhammad











 الأم هند موسى














 الأم Amira Hassen





 الأم الشيماء خميس





الأم Shaymaa Sayed‎





الأم Asmaa Ahmed







الأم Mona El Khawaga







ومنتظره ابداعاتكم انتو كمان ..


والسلام عليكم ورحمة الله وبركاته ..